Milioni 160 kununua Dira za maji Maswa

31 March 2021, 12:55 pm

Zaidi  ya  shilingi  Milioni  160 zimetolewa  na  serikali  ya jamhuri  ya  muunga no  wa  tanzania  kwa   ajili  ya  ununuzi  wa  dira  za  maji  ili  kila  mtu  anayetumia   alipe  kwa  kadri  ya  matumizi  yake.

Hayo  yamesema  na  mkuu  wa  wilaya   ya   Maswa   Mh,  Aswege  Kaminyoge   wakati  akizungumza  na  waandishi  wa  habari   ofisini  kwakwe  na  kusema  kuwa   ufungwaji wa  dira  hizo  zitaongeza  ukusanyaji  wa  mapato  yatakayosaidia  uendeshaji  wa  Mamlaka  hiyo…

        

Mh.    Kaminyoge  amesema  kuwa  pamoja  na  Serikali  kutumia  gharama  kubwa  katika  ujenzi   wa  mradi  wa  chujio    wananchi  wanapaswa  kulinda  bwawa  hilo  ambalo  ndio  chanzo  kikuu cha  maji  kwa  mji  wa  Maswa.

       

Mwenyekiti   wa  bodi  ya  maji  Maswa   Paulina  Ntagaye   amesema  kuwa  mradi  wa  chujio  la  maji  umekamilika  kwa   asilimia  mia  moja  hivyo  kwa  sasa  wananchi  wa  maswa  wanatapa  Maji  safi  na  Salama   na  kuongeza  kuwa   wananchi  wanatakiwa  kuwafichua    wanaohujumu  miundo mbinu  ya  Maji.

Aidha  kwa  upande  wake   kaimu  Mkurugenzi  wa  mamlaka  ya  maji  maswa   -MAUWASA    Mhandisi   Nandi  Mathias  amesema  kuwa  kukamilika  kwa  Mradi  kumesaidia  kumtua  mama  ndoo  kichwa  pamoja  na    na  kuondokana   na  changamoto  ya  maji  machafu  yaliyokuwa  yanatoka  hapo  awali..

Naye   diwani  wa  kata  ya  Zanzui   Jeremia  Shigala  Mange   pamoja  na   baadhi   ya   wananchi  wameishukuru  serikali  kwa  kutoa  fedha  za  ujenzi  wa  mradi  huo   wa  chujio  ambao   umewezesha   wananchi   Kupata   huduma  ya   maji   safi  na  Salama.

Kauli  mbiu  ya  wiki  ya  Maji   kwa  mwaka   huu  2021  ni …     “”thamani  ya   Maji  kwa  Uhai  na  Maendeleo”